Ən yaxın metro stansiyadan cəmi 3 dəqiqəlik məsafədə yerləşən “Greenville Residence” sözün əsl mənasında daşıdığı adın haqqını verir. Rezidens öz qucağını şəhərin səs-küyündən qurtulmaq istəyən hər kəs üçün açmağa, sakinlərini maksimum rahatlıq və təmiz hava ilə təmin etməyə daim hazırdır.

"Greenville Residence" öz funksionallığı, rahatlığı və dizaynı ilə əyləncə, təhsil, alış-veriş və gündəlik bütün tələbatlarınızı qarşılayacaq bütün şəraitləri mükəmməl ahənglə özündə birləşdirən müasir yaşayış kompleksidir.

Kompleksdə mənzil sahibi olmaqla, siz özünüzü gündəlik ehtiyaclarınızın qarşılanması məqsədi ilə uzun məsafələr qət etmək məcburiyyətindən xilas edəcəksiniz.

Sizin rahat və ahəngli həyat tərziniz üçün kompleksdə ticarət mərkəzləri, gözəllik salonu, fitnes və SPA mərkəzi, qapalı və açıq hovuzlar, avtoyuma, ikimərtəbəli yeraltı dayanacaq və digər şəraitlər nəzərdə tutulub.

Bununla yanaşı, ən müasir texnologiyaların köməkliyi ilə inşa olunan yaşayış kompleksində davamlı elektrik, qaz və su təchizatı, rəqəmsal TV, internet və telefon sistemləri, yük və sərnişin liftləri, binaların girişində sensorlu isıqlandırma və çöl işıqlandırması kimi bütün lazımi xüsusiyyətlər nəzərə alınıb və hər biri sakinlərin rahat yaşayışını ən yüksək səviyyədə təşkil etmək məqsədi daşıyır.

“Greenville Residence”in sahib olduğu xüsusiyyətlər bununla kifayətlənmir. Belə ki, sakinlərimizin sağlamlığına tövhə vermək və asudə vaxtlarının səmərəli təşkilinə yardımçı olmaq məqsədilə kompleksdə futbol, basketbol və tennis meydançaları, velosiped və gəzinti zolaqları, uşaq oyun meydançaları da salınıb.

Paytaxtın mərkəzindən 15 dəqiqəlik məsafədə yerləşən "Greenville Residence" yaşayış kompleksi rahatlığa və əmin-amanlığa qərq olmaq istəyən sağlam həyat tərzinin biliciləri üçün oazisdir.