Iqtisadiyyat Nazirliyi yanında əmlak Məsələləri Dövlət Xidməti tərəfindən daşınmaz əmlakın qeydiyyatı sahəsində həyata kecirilən innovativ addımlar vətəndaş məmnunlugunun yüksəldilməsinə xidmət edir.Tətbiq edilən yeniliklər,prosedurların sadələşdirilməsi daşınmaz əmlakın qeydiyyatının daha da aktivləşməsinə səbəb olub.

2022-ci ilin iyul ayı ərzində 27065 daşınmaz əmlak üzərində mülkiyyət hüququnun qeydiyyatı aparılıb.Bu,ötən ilin eyni dövrü ilə müqayisədə 11,9% çoxdur.

Aylıq göstəricinin 6311-i (23,3%-i) ilkin,20754-u (76,7%-i) isə təkrar qeydiyyatın payına düşür.Qeyd edək ki,ötən ilin eyni dövrü ilə müqayisədə,cari ilin iyul ayı ərzində ilkin qeydiyyat 26,8% artıb.

Mülkiyyət hüquqlarının qeydiyyatı aparılan əmlaklardan 3994-u fərdi yaşayış və bağ evi,7790-ü mənzil,14448-i torpaq sahəsi,252-si qeyri-yaşayış binası,520-si qeyri-yasayış sahəsi,59-u əmlak kompleksi,2-si çoxmərtəbəli yaşayış binasıdır.Qeyd edək ki,cari ilin iyul ayı ərzində dovlət qeydiyyatına alınan daşınmaz əmlakların 27,6%-i Bakı şəhərinin,qalanları isə bölgələrin payına düşür.

Bu ilin iyul ayı ərzində 21367 dasınmaz əmlakın texniki inventarlasdırılması aparılıb və texniki pasportu tərtib edilib.Bu isə ötən ilin eyni dövrü ilə müqayisədə 15,5% artım deməkdir.2022-ci ilin iyul ayı ərzində qeydiyyata alınan ipoteka müqaviləsinin sayı ötən ilin eyni dövrü ilə müqayisədə 41,5% artaraq 5612 olub.

Qeyd edək ki, ümumilikdə,2022-ci ilin yanvar-iyul ayları ərzində 195597 daşınmaz əmlak üzərində mülkiyyət hüququnun qeydiyyatı aparılıb.